प्यूठान, आफ्ना नियमित गतिबिधिलाई प्रभावकारी बनाउदै बढेको प्यूठान नगरपालिका –३ वडा कार्यालय तथा सापडाँडा मेला ब्यवस्थापन समितिको संयुक्त आयोजनामा नव बर्षको अवसरमा आज शुभकामना आदान प्रदान सहित बनभोज कार्यक्रम सम्पन्न गरिएको छ । सापडाँडा मेला ब्यवस्थापन समितिका अध्यक्ष किरण खड्काको अध्यक्षतामा सम्पन्न कार्यक्रममा नयाँ बर्षको क्यालेण्डर बिमोचन समेत गरिएको थियो । संबिधान सभा सदस्य नारायण प्रसाद अधिकारीको प्रमुख आतिथ्यता तथा ३ नं वडा अध्यक्ष एवम प्यूठान नगरपालिकाका प्रबक्ता सुमनराज श्रेष्ठको बिशेष आतिथ्यतामा सम्पन्न कार्यक्रममा मानव अधिकारकर्मी रबिन्द्र केसी र किरण केसी सहित बिजयनगरवासीको उल्लेख्य सहभागिता रहेको थियो ।
कार्यक्रममा बोल्ने बक्ताहरुले प्यूठान नपा –३ स्थित बिजयनगरको एउटा ऐतिहासिक सन्दर्भ रहेकोतर्फ औल्याउदै समाजका हरेक गतिबिधिमा वडावासीको बीचमा आपसी एकता र सदभाव जीवन्त रहनुपर्ने खाँचो औल्याउदै वडालाई आगामी दिनमा उन्नत बनाउन नयाँ बर्षले प्रेरणा दिने कामना गरेका थिए । अत्यन्तै सौहाद्रपूर्ण बातावरणमा सेती पोखरीमा आयोजित बनभोजको मंच कार्यक्रमलाई वडा सचिव ध्वज बहादुर केसीले संचालन गरेका थिए ।
कमेन्ट गर्नुहोस !