महाअष्टमी पर्व मुलुकभर शक्तिस्वरुपा महागौरीको पुजा आराधना गरी मनाइँदै

आश्विन १२, २०७४नवरात्रको आठौं दिन आज महाअष्टमी पर्व मुलुकभर शक्ति स्वरुपा नवदुर्गा भवानी महागौरीको पुजा आराधना गरी मनाइँदै छ । आश्विन शुक्ल प्रतिपदाका दिन पूजा कोठा, दशैंघर अथवा मण्डपमा वैदिक विधिपुर्वक नवदुर्गा भवानीको आब्हान गरी घटस्थापना गरिएको स्थानमा आज भक्तिपूर्वक विशेष पुजाआजा गरिन्छ । आज घरघरमा राखिएका वा कलकारखानामा रहेको हतियारलाई धोईपखाली महादेवी दुर्गाको हतियारको रुपमा स्थापना गरी पुजा गर्ने गरिन्छ ।