प्यूठान, ११ भाद्र । प्यूठानमा कोरोनाबाट मृत्यु भएका परिवारका सदस्य सहित ४ जनालाई कोरोना पुष्टि भएको छ ।
विहिवार राप्ती स्वास्थ्य विज्ञान प्रतिष्ठान दाङ्गमा परिक्षणमा प्यूठानका थप ४ जनामा कोरोना संक्रमण पुष्टि भएको राप्ती स्वास्थ्य विज्ञान प्रतिष्ठान दाङ्गले जनाएको छ । प्रतिष्ठानका अनुसार संक्रमितहरु स्वर्गद्वारी नगरपालिकाका ३ जना र मल्लरानी गाउँपालिका रहेका छन् ।
स्वर्गद्वारी नगरपालिका ३ जना संक्रमित मध्ये २ जना क्वारेन्टाइन मै रहेको र १ जना कोरोनाबाट मृत्यु भएका पुरुषको परिवारका सदस्य रहेको गाउँपालिका स्वास्थ्य संयोजक दल बहादुर के सीले जानकारी दिनुभयो । मृतकको परिवारलाइ कोरोना देखिएपछि उक्त घर शिल गरिएको स्वास्थ्य संयोजक के सीले प्यूठान समाचारलाई वताउनुभयो ।
यस्तै मल्लरानी गाउँपालिका संक्रमित गाउँपालिकाको कर्मचारी रहेका गाउँपालिका स्वास्थ्य संयोजक पारस शाहीले जानकारी दिनुभयो । गाउँपालिका ४५ स्वाव परिक्षणका लागि पठाइएको १ जनाको पोजटिभ देखिएको र अन्यको नेगेटिभ देखिएको उहाँको भनाई छ । गाउँपालिकामा कार्यरत कर्मचारीलाई कोरोना देखिपछि गाउँपालिका शिल गर्ने नगर्ने भन्ने विषयमा बैठक वसिरहेको स्वास्थ्य संयोजक शाहिले प्यूठान समाचारसँग वताउनुभयो ।
कमेन्ट गर्नुहोस !