बासुदेब गिरी,प्युठान ।
प्युठान प्रहरीले विप्लव नेतृत्वको नेकपा प्यूठानका राप्ती ब्यूरो सदस्य रत्न थापामगरलाई गिरफ्तार गरेको छ ।
थापामगरलाई प्युठान नगरपालिका–३ स्थित आफ्नै घरमा रहेका बेला जिल्ला प्रहरी कार्यालयबाट खटिएको प्रहरी टोलीले गिरफ्तार गरेको पारिवारिक स्रोतले जानकारी दिएका छन ।
ऊनी विप्लव नेकपाका राप्ती ब्यूरो सदस्य भएकोले उनलाई पक्राउ गरेको जिल्ला प्रहरीले जानकारी दिएको छ ।
यसअघि नेकपाका अर्का जिल्ला नेता रनबहादुर थापालाई असोज २१ गते गिरफ्तार गरेको थियो ।
गिरफ्तारको नेकपा प्युठानले विरोध जनाएको छ ।
कमेन्ट गर्नुहोस !