सागर रिजाल
प्युठान,१९ बैशाख
स्वर्गद्धारी नगरपालिका–२ स्वर्गद्धारी आश्रम नजिकै पोखरी बनाउनका लागि ढुङगा निकाल्ने क्रममा ढुङगाले चापेर एक जनाको मृत्यु भएको छ भने एक जना घाईते भएका छन् । सुनिल स्मृति गाउँपालिका वडा नंम्बर ३ मिजिङका अन्दाजी २२ वर्षिय रेग बहादुर विष्टको घटनास्थलमै मृत्यु भएको जिल्ला प्रहरी कार्यालय प्युठानका प्रहरी प्रमुख प्रहरी नायव उपरिक्षक निर्मल वुढाथोकीले जानकारी दिनुभयो ।
त्यस्तै उक्त घटनामै परि सुनिलस्मृति गाउँपालिका–३ मिजिङकै अन्दाजी २० वर्षिय केशर विष्ट घाईते भएको वुढाथोकीले जानकारी दिनुभयो । घट्ना विहिवार साझ ५ ः ३० बजे घटेको थियो । मृतकका परिवार घट्नास्थलमा आईसकेको प्रहरीले जनाएको छ । घाईते विष्टलाई उपचारका लागि प्राथमिक स्वास्थ्य केन्द्र भिग्री लगिएको छ ।
कमेन्ट गर्नुहोस !