बिजय फूलवारी सदस्यका घरघरमा भित्तेपात्रो

प्यूठान, जिल्लाको अगुवा सहकारी संस्था बिजय फूलवारी बचत तथा ऋण सहकारी संस्था प्यूठानले आज आइतवार शुभकामना आदानप्रदान सहित नव बर्ष २०८२ को क्यालेण्डर अनावरण गरेको छ ।
संस्थाका उपाध्यक्ष राधा पुलामीको अध्यक्षतामा आयोजित कार्यक्रmममा प्रमुख अतिथि तथा प्यूठान नगरपालिका नगरप्रबक्ता सुमनराज श्रेष्ठले सो भित्तेपात्रो अनावरण गरेका हुन । कार्यक्रममा प्रमुख अतिथि श्रेष्ठले बिजय फूलवारी जिल्लाकै उदाहरणीय सहकारी संस्थाको रुपमा स्थापित हुन पूग्दा यसले सहकारीप्रति बिश्वास जागृत गरेको बताउदै अव यसले आफ्नो कार्यक्षेत्र र कार्यसम्पादनको दायरालाई अझै बढाएर लैजानुपर्ने सुझाव दिएका छन् । साथै उनले अन्य सहकारी संस्थाले पनि यस सहकारीबाट धेरै कुरा सिक्न जरुरी रहेकोमा जोड दिए । कार्यक्रममा लेखा समिति संयोजक तथा जिल्ला सहकारी संघ प्यूठानका अध्यक्ष सुशील पोखरेलले २०८१ बिभिन्न राजनीतिक तथा बिपदजन्य घटनाका दृष्टिले एउटा चर्चामा त रह्यो नै सरकारी क्षेत्रमा भएका बेथितिका खवरले पनि झन धेरै चर्चामा आएको बताउदै सिमित सहकारीमा भएका कमीकमजोरीका कारणले सवै सहकारीहरुलाई त्यही रुपमा बुझ्न नहुने बताए । साथै भित्तेपात्रो पनि सहकारी शिक्षाको प्रचार प्रसारमा टेवा पुरयाउने एउटा इट्टा रहेको उनको भनाई थियो । साथै सो शुभकामना आदान प्रदानमा संस्थाका सल्लाहकार छन्द बहादुर बस्नेत,गुमानराज पुलामी, निर्मला शर्मा त्यस्तै सहकारीकर्मी डिमराज पोखरेल, उमाराम पौडेल, लगायतका बक्ताहरुले सहकारीका बारेमा सुझाव सहित शुभकामना मन्तब्य राखेका थिए ।
संस्थाका सचिव मोहन सुवेदी संचालनमा भएको कार्यक्रममा स्वागत संचालक प्रभात श्रेष्ठले गरेका थिए ।
क्यालेण्डर अनावरण पछि आजै सहकारीका घरघरमा कयालेण्डर बितरण गर्ने कार्यक्रम रहेको छ ।
२०५५ सालमा स्थापित यस बिजय फूलवारी साकोसमा हाल ५ हजार ७ सय ३३ सदस्य आबद्ध रहेका छन् भने कुल २८ करोड ३६ लाख १२ हजार ८ सय तीन बरावरको कारोवार रकम छ ।