सागर रिजाल
प्युठान, २२ असार ।
ऐरावती गाउँपालिकाका अध्यक्ष नविल विक्रम शाहको ४८ औँ जन्मदिन परिवारले मनाईदिएको छ । परिवारले पालिका अध्यक्ष शाहको जन्मदिनको अवसरमा कोरोना संक्रमित भई आईसुलेसनमा बसेका २२ जना बिरामीहरुलाई दुई दिनको खाना खर्च बराबरको सहयोग रकम रु १८ हजार ९ सय ६४ रुपिँयाको चेक उहाँकी श्रीमती ईश्वरा शाहले गाउँपालिका उपाध्यक्ष बुद्धबहादुर बस्नेतलाई हस्तान्तरण गर्नुभएको हो ।
कोरोना संक्रमित भेटिएका बिरामीहरुलाई माया, ममता, सद्भाव र सहयोगले रोगसंग लड्न थप उर्जा मिल्ने उदेश्यले बिरामीलाई सहयोग गरेका हौँ, शाहले भन्नुभयो,–‘ जन्मदिनका अवसरमा फजुल खर्च गर्नुभन्दा बिरामीलाई सहयोग गरौ भने उहाँहरुलाई थप उर्जा मिल्ने छ । ’
सो अवसरमा उपाध्यक्ष बस्नेतले यस पालिका अध्यक्ष नविल विक्रम शाहको राजनैतिक तथा सामाजिक जीवन थप प्रभावकारी र उज्वल रहोस भन्दै शुभकामना व्यक्त गर्नुभएको छ । गाउँपालिका प्रमुख प्रशासकीय अधिकृत जगतप्रसाद भुसाल , कार्यपालिका सदस्यहरु सहित अन्य कर्मचारीको समउपस्थितीमा चेक हस्तान्तरण गरिएको थियो ।
कमेन्ट गर्नुहोस !