प्युठान,२३ चैत ।
घर जान नपाई अलपत्र परेका भारतीय २५ जना नागरिकलाई नेपाल रेडक्रस सोसाईटी जिल्ला शाखा प्युठानका सभापति गुमानराज पुलामीले शनिवार खाद्यन्न सहयोग गर्नुभएको छ ।
लकडाउनको समयमा समस्यामा रहेका उनिहरुलाई राहत स्वरुप खाद्यन्न सहयोग गनुभएको हो ।
प्रतिव्यक्ति चार किलो चामल, ढेड लिटर तेल, नुन एक किलो सहयोग गर्नुभएको छ ।
भारतको मोतिहारी घर भएका लकडाउनको समयमा घर जान नपाएर दैनिकी कष्टकर भएकाले राहत स्वरुप खाद्यन्न सहयोग गरेको पुलामीले बताउनुभयो ।
यस्तै प्युठान नगरपालिका वडा नं तीन विजुवार निवार्षि विजयालक्ष्मी श्रेष्ठले पनि २५ जनालाई २५ किलोका चार वोरा चामल, पाँच किलो दाल, दुई किलो नुन, एक काटुन चाउचाउ सहयोग हस्तान्त्रण गर्नुभएको छ ।
विपदको समयमा समस्यामा परेका व्यक्तिहरुलाई आफुहरुको सानो सहयोगले पनि राहत मिल्ने उहाँको भनाई छ । साथै विपदमा परेका व्यक्तिहरुलाई सबैको सहयोग आवश्यक रहेको श्रेष्ठले बताउनुभयो ।
कमेन्ट गर्नुहोस !